AL-Shabaab Oo Weerar Is-Miidaamin Ah Ku Dishay Kornayl Shataqeey

0
160

AL-Shabaab Oo Weerar Is-Miidaamin Ah Ku Dishay Kornayl Shataqeey

Dagaalamayaasha Al-Shabaab ayaa arroornimadii hore ee saaka weerar ku bilowday qaraxyo ku qaaday degaanka Xawaadley oo u dhow degmada Balcad ee Gobolka Shabeellaha Dhexe, kadibna waxaa halkaas ka dhacay dagaal xooggan oo u dhexeeyay labada dhinac.

Wararka ayaa sheegaya in dagaalamaayasha Al-shabaab ay weerar Qaraxyo ku billawday ay la beegsatay Saldhig ciidamada xoogga iyo kuwa deegaanka ee macwiisleyda ay ku leeyihiin degaanka Xawaadley, waxaana dagaal culus uu dhexmaray ciidanka dowladda iyo Al-shabaabkii weerarka soo qaaday.

Dagaalka oo ahaa mid xooggan ayaa waxaa ka dhashay Khasaaro isugu jira dhimasho iyo dhaawac oo soo kala gaaray labada dhinac, Saraakiisha ciidanka dowladda uga dhimatay waxaa kamid ah Taliyahii Guutada 3-aad Qaybta 27-aad ee Milatariga Soomaaliya Kornayl Abshir Maxmuud Maxamed (Shataqeey).

Wararka ayaa intaa ku daraya inuu jiro khasaaro kale oo gaaray Askar ka tirsan ciidamada dowladda, illaa iyo hadda ma jiro wax war ah oo kasoo baxay Taliska ciidamada xoogga iyo Maamulka Hirshabeelle oo ay uga hadlayaan weerarkii saaka ka dhacay degaanka Xawaadley, kaasi oo lagu soo waramayo inuu dhaliyay khasaare xooggan.

Degaanka Xawaadleya ayaa ka mid ahaa degaanada Ciidanka dowladda iyo kuwa deegaanka ee macwiisleyda ay dhawaan kala wareegeen Al-shabaab, waxaaana Xawaadley ay u dhaw dahay degmada Balcad ee Gobolka Shabeellaha Dhexe, waxaana Ciidanku ay halkaasi ku lajhaayeen fariisimo Ciidan.

LEAVE A REPLY

Please enter your comment!
Please enter your name here